Reagimi pasi dëgjon për herë të parë

Ky është momenti prekës i një djali dy vjeç që dëgjon zërin e së ëmës për herë të parë. Vogëlushit amerikan sapo i është vënë një pajisje ndihmëse për të dëgjuar dhe gëzimi i tij është i madh pas çdo tingulli që dëgjon.

Djali, të cilit një grua nga pas kamerës i drejtohet me emrin Cooper reagon me kënaqësi pasi e dëgjon të ëmën që e thërret në emër.

Ai ngre duart lart duke qeshur me zhurmat përreth, e më pas ndalet të kuptojë botën e re që i hapet para.

Me njërën dorë që e vë herë pas here te veshi ku i është vënë pajisja, djali me hare vazhdon lojën me blloqet plastike.

Një ditë, ndoshta paksa më vonë se bashkëmoshatarët e tij, Cooper do mund të flasë dhe t’i tregojë botës si është të dëgjosh pasi ke kaluar dy vjet të jetës në heshtje të plotë. /Start/