Ariu polar gjuan me gur drejt vizitorëve (Video)

Dy turistë në një kopsht zoologjik në Roterdam kanë mbetur të tmerruar kur një ari polar e ka hedhur një gur në xhamin prapa të cilit gjendeshin ata.
Turistët po qëndronin përpara pishinës me arinj polarë, nga të cilët i ndante vetëm një xham i trashë. Një ari ka notuar deri te xhami dhe dukej se po i përshëndet me shputa.

Ariu është larguar ndërsa vizitorët kanë vazhduar bisedën. Rreth një minutë më pas, një gur i madh godet xhamin dhe për pak sa nuk e thyen atë.

Një përfaqësues i kopshtit zoologjik ka thënë se nuk beson që ariu e ka hedhur gurin me qëllim në drejtim të vizitorëve, por gjithçka ka qenë pjesë e ndonjë loje. /Telegrafi/[/youtube]