Vogëlushja me sindromën e rrallë braktiset edhe nga prindërit

Vajza 6-vjeçare nga Kina, Liu Jiangli, vuan nga një çrregullim i veçantë gjenetik, pasi më shumë se 60 për qind i trupit të saj është i mbuluar me gëzof të zi.

Çrregullimet e rralla gjenetike në persona të ndryshëm nuk duhet të jenë shkaktare të braktisjes së tyre. Fatkeqësisht, kjo i ka ndodhur vogëlushes nga Kina, e cila për shkak të gjendjes së saj të rrallë u braktis nga prindërit.

Pas lajmërimeve në gazeta për 6 muaj rresht, vajzën e morën në kujdestari të afërmit. Për fat të keq, vajza është tejet e mbyllur në vetvete pasi fëmijët e tjerë frikësohen prej saj dhe tallen me të.

Pasi mjekët e kanë studiuar këtë rast, e kanë të vështirë të japin një shpjegim për gjendjen e saj, por flasin për një ngjashmëri me sindromën e njohur si “Hypertrichosis Universalis”, e cila bën që i gjithë trupi i njeriut të mbulohet me qime dhe të marrë pamjen e një ujku, sindromë e cila po ashtu prek 1 në 1 miliard njerëz./Start/E.G