Madonna fërshëllehet në San Siro

MILANO – Madonna është pritur me fërshëllima në stadiumin San Siro të Milanos në Itali. O sepse muzika në sfond e kishte ndezur ca më parë publikun, o ngaqë Madonna është mësuar të vonohet e ta bëjë publiku të presë nëpër koncerte. Por publiku i San Siros nuk duroi më. Një parantezë prej më se një ore, e cila ia humbi atij durimin dhe e bëri të prishë paqen me divën me origjinë edhe italiane. Kur sapo ajo u shfaq në skenë nisën fërshëllimat. Por më pas gjithçka ndryshoi, kur Madonna përshendeti dhe falenderoi italianët që ‘do it better’ (dinë ta bëjnë më mirë). E thotë këtë me një sens pervers, duke hapur këmbët, e duke buzëqeshur. Duke menduar ndoshta, se si e njëjta frazë, e shkruar në bluzën e saj në vitet ’80, përbënte skandal.

Koncerti live i 54-vjeçares për publikun milanez u shoqërua nga një artileri e rëndë skenike me efekte të forta, kostumografi dhe skenë të ndërtuara mes së shkuarës dhe të ardhmes, mes dansit dhe interpretimeve të reja të zërit të saj.

(M.A.)