Qafë Kërrabë, autobusi bie në greminë, rreth 30 të plagosur

TIRANE -
Një autobus me rreth 30 pasagjerë ka dalë nga rruga duke rënë në një
greminë rreth 10 metra, në Qafën e Kërrabës, në aksin Tiranë- Elbasan.

Aksidenti ka ndodhur rreth orës 16:40, në vendin e njohur si “Qershitë”, ndërsa autobusi udhëtonte nga Tirana drejt Librazhdit.

Autoritetet konfirmuan se nuk ka viktima, ndërsa të gjithë pasagjerët kanë marrë plagë të shumta në trup.
Autobusi
trasportonte drejt Librazhdit aktivistë të Aleancës Kuq e Zi, të cilët
morën pjesë në një manifestim të AK-së, që u zhvillua në mesditë në
kryeqytet.

Burime të policisë bëjnë të ditur se një mjet tip
Land Rover, me targa të Tiranës, i ka prerë rrugën autobusit, i cili në
tentativë për të shmangur përplasjen ka dalë nga rruga dhe ka përfunduar
në greminë.

Sipas policisë, të gjithë pasagjerët janë
transportuar në spitalin e Elbasanit, ndërkohë që vetëm njëri prej tyre,
Artan Kojku, ka marrë plagë të rënda.
Mësohet se Kojku është dërguar në spitalin ushtarak në Tiranë, ku ndodhet nën kujdesin e mjekëve