Paul McCartney, sot 70 vjeç

LIVERPOOL – Paul McCartney mbush sot 70 vjeç. Ditëlindje që e feston në Liverpool. Baroni i rock-ut, pas 55 vjetëve karrierë dhe 41 albumeve, është sot këngëtari më i pasur i botës , sipas “Forbes”, me 660 milionë dollarë. Pas takimit me John Lennon, në një festë në vitin 1957, i dha jetë shpikjes muzikore më të famshme të shek. XX, grupit Beatles. I kompletuar nga Ringo Star dhe George Harrison, për 13 vjet deri në 1970, vitin e shpërbërjes, ata publikuan 24 këngë të veçanta dhe 13 albume. Në mars të 1969, McCartney u martua me fotografen amerikane Linda Eastman, e divorcuar dhe me një vajzë, e cila i dha edhe tre fëmijë të tjerë. Nga viti 1970, Paul nis karrierën si solist, duke marrë kënaqësi të mëdha. Në 17 prill 1998, gruaja e tij, Linda, vdes nga kanceri. Vegjeterian, aktor, piktor, aktivist për zhdukjen e varfërisë në botën e tretë, për të drejtat e kafshëve dhe për edukimin muzikor në shkolla, Paul McCartney u rimartua në 2002 me ish-modelen uloke, Heather Mills, nga e cila u divorzua në 2006 me pasoja gjyqësore për ndarjen e pasurisë së madhe dhe për kujdestarinë e bijës së tyre të vetme. Është martuar vitin e kaluar me stilisten, Nancy Shevell.

(M.A.)