Messi më në fund ka konfirmuar që do të bëhet baba

Barcelonë, 22 qershor - Tashmë disa muaj flitet që aktualisht futbollisti më i mirë në botë do të bëhet baba, ndërsa ai vetëm tani e ka konfirmuar lajmin se do të bëhet prind. Për Leon dhe Antonella Roccuzzo ky do të jetë fëmija i parë.

Edhe pse shumë rrallë flet për jetën e tij private, Lionel Messi (24) ka konfirmuar përfundimisht se ai dhe e dashura e tij, Antonella Roccuzzo, presin fëmijën e tyre të parë.

“Unë mendoj se do të jetë djalë. Ne nuk kemi dashur të flasim për këtë, sepse sipas rregullit ne nuk flasim asgjë për jetën tonë private. Megjithatë, njerëzit na kanë pyetur vazhdimisht dhe ne vendosëm për të ndarë gëzimin tonë me të gjithë,” ka thënë sulmuesi argjentinas për revistën “Ole”.

Çifti është në lidhje që nga viti 2009, edhe pse për një kohë është spekuluar se ishin martuar fshehurazi në Ibiza, familjet e tyre kanë mohuar artikujt rreth dasmës.