Diana Avdiu, Miss Universe Kosova

Prishtinë, 22 qershor - Diana Avdiu është Miss Universe Kosova 2012. Bukuroshja Afërdita Dreshaj e dorëzoi kurorën dhe titullin e Miss Universe Kosova, që i fitoi në garën e vitit të kaluar. Në finalen e Miss Universe Kosova 2012 u zgjodh vajza që do të përfaqësojë Kosovën në botë. Nga 21 vajza finaliste, sa garuan, kurora e më të bukurës i takoi Diana Avdiu , e cila do të përfaqësojë Kosovën në garën botërore Miss Universe 2012, që do të mbahet në muajin dhjetor. Vendi ku do të mbahet spektakli pritet të bëhet i ditur në fund të muajit korrik. Sipas Indeksonline, Diana fitoi edhe titullin Miss Press dhe Miss Interneti.