E ngatëruan për dhelpër, vritet 46-vjeçari

u duk fqinjit si një dhelpër dhe ai e qëlloi me armë duke i marrë jetën. Ngjarja u regjistrua dje në komunën Cakran të rrethit të Fierit, ku sipas policisë, shtetasi Gramoz Memaj, 46 vjeç, me profesion mekanik u qëllua me armë gjahu nga shtetasi Besim Fejzaj, 55 vjeç. Ky i fundit, pasi u ndalua nga policia, pranoi autorësinë e krimit duke shpjeguar se, ngjarja ishte aksidentale, pasi në errësirë 46-vjeçari iu duk si një dhelpër, duke e lënë atë fillimisht të plagosur rëndë nga një breshëri plumbash. I plagosuri u dërgua me urgjencë drejt spitalit rajonal të Fierit nga i biri i tij, megjithatë, pavarësisht ndërhyrjeve kirurgjikale, 46-vjeçari nuk mundi t’u mbijetojë plagëve të marra në bark. E.L.