Mrekulli! Solli në jetë foshnjen, ndërsa ishte në koma…

Një mrekulli ka ndodhur në një maternitet në Britani. 23-vjeçarja Ema Mainor, e cila ndodhej në muajin e shtatë të shtatzënisë së saj, kaloi një pneumoni mjaft të rëndë dhe si rezultat ra në koma.

Por ndërkohë, foshnja që po rriste brenda saj ishte në jetë dhe mjekët e ndihmuan që të mbijetonte. Me ndihmën e tyre, ajo erdhi më herët në jetë dhe i shpëtoi rrezikut.

Nëna 23-vjeçare u zgjua nga koma 2 javë më vonë, por as që mbante mend se ishte shtatzënë.

“Më kujtohej që kisha një burrë dhe një djalë, por jo që isha shtatzënë”, tha ajo. “Infermieret më sollën foshnjen dhe unë nuk dija çfarë të bëja”, thotë Ema për “Daily Mail”.

Sot kjo nënë e re është mjaft e lumtur. Ka një familje të shëndetshme dhe i kapërceu peripecitë me shëndetin e saj. /alb-observer.com/