Jo, nuk është photoshop, kapi një peshk 136 kg!

Brent Crawford është një banor i Teksasit në SHBA, por ai u bë i famshëm, pas “një dyluftimi” që kishte me një peshk. Por nuk flasim për ndonjë cironkë, por për një peshk – aligator (alligator gar) që peshonte plot 136 kg.

Po të mos dëgjonim historinë e tij, do na dukej sikur fotografia që shikoni është photoshop. Por nuk është kështu, pasi ky lloj peshku është më i madhi që rritet në ujërat e ëmbla në Amerikën Veriore dhe përmasat e tij janë nga 2.4 deri në 3 metra. Por gjithsesi, peshku që kapi Crawford, është një nga më të mëdhenjtë që janë peshkuar ndonjëherë. Dhe veç të tjerash, ai e peshkoi atë duke përdorur vetëm një shtizë dhe një hark, si dhe forcën e tij natyrore.

Brent Crawford këtu e 20 vjet banon pranë liqenit teknik Corpus Christi. Por kur pa peshkun gjigand, kuptoi se ia vlente që t’i vihej pas. Pasi iu afrua, e vuri në shënjestër me harkun e tij, duke qënë i qartë në vetvete se nuk do të kishte shans të dytë. Por ia doli mbanë dhe peshku 2,5 metra filloi të përpëlitej në liqen. Edhe pse nuk e kishte kontrollin gjatë gjithë kohës, pasi peshku e tërhiqte për në brendësi të liqeni, peshkatari, me ndihmën e qenit të tij, ia doli mbanë.

“Beteja” zgjati 45 minuta, deri sa ta tërhiqte peshkun drejt bregut. Crawford doli fitimtar. /alb-observer.com/