Greqi: Një fshat i tërë në kërkime masive për thesare të humbura

Greqi -Në kërkim të thesareve të humbura janë “sulur” të gjithë banorët e fshatit Ano Porion, në Greqinë veriore, të cilët pasi kishin plotësuar të gjithë dokumentacionin përkatës të procedurës që parashikohet me ligj, kanë fillua gërmimet në masë.
Gërmimet, citon alb-observer.com, filluan ditën e djeshme, nën prezencën e autoriteteve të njësive përkatëse, siç është departamenti arkeologjisë, policia dhe autoritete, lokale, madje pjesëmarrja është aq e madhe saqë rast i ngjashëm nuk ka patur kurrë në Greqi.

Ekskavatorët e lejemarrësve, janë shpërndarë në gjithë periferinë e fshatit, madje dhe në qendër të tij dhe i kryejnë këto gërmime duke u bazuar në disa harta të vjetra dhe disa gojëdhëna të ardhura nga më të moshuarit, që nga epoka e otomanëve, me qëllim që ç’groposin thesarin e groposur nëse e gjejnë atë!

Ndërkohë fenomeni i gërmimeve ka ngjallur një interes shumë të madh, pasi të gjithë banorët e fshatit dhe shumë të tjerë të ardhur nga zona përreth, janë vënë në “gjuetinë” e thesareve, ose të paktën sillen rreth gropave gjigande që kanë hapur ekskavatorët.

Sipas gojëdhënave dhe hartave që disponojnë disa nga kërkuesit, në pllajat e maleve dhe të fshatit, të cilat janë pasuara me shenja siç, simbole, gur, pemë shekullore, fshihen thesare me vlerë të paçmuar, thesare këto të groposura aty nga turqit të cilët qëndruan më shumë se 600-vjet në zonë.

Sipas njoftimeve të para të policisë, deri më tani nuk është zbuluar asnjë thesar./alb-osberver.com/