Stresi në linjat urbane të Tiranës, një 53 vjecare qëllon me thikë një shofer autobusi

Urbanët e Tiranës në këto ditë të nxehta vere janë kthyer padyshim në një stres për qytetarët. Por mbrëmjen e djeshme, rreth orës 21:00, një 53 vjecare duket se nuk e ka përballuar këtë stres dhe ia ka nxjerrë nervat një shoferi të linjës së Tiranës së re. Sipas burimeve zyrtare, Xheje Manxi ka debatuar me shoferin e autobusit për sasinë e njerëzve që kishin hipur dhe ajrin e pakondicionuar të autobusit. Debati ka degjeneruar më pas në zënkë dhe 53-vjeçarja ka nxjerrë një thikë nga çanta e vet dhe e ka qëlluar shoferin e autobusit, duke e plagosur atë.
“Ngjarja ka ndodhur rreth orës 21.00, ne Bulevardin “Zogu i Parë”, ku 53-vjeçarja Xheje Manxi pas një grindje, ka goditur me thikë duke plagosur 45-vjeçarin Fatmir Karaj, me profesion shofer autobusi, i cili u dërgua në QSUT ku ndodhet i shtruar jashtë rrezikut për jetën”, thuhet tekstualisht në deklaratën zyrtare të Policisë së Shtetit./alb-observer.com/