Të gjitha datat e vitit të ri shkollor

Eglantina Bardhi

Viti i ardhshëm shkollor për arsimin parauniversitar do të nisë në 10 shtator. Ministria e Arsimit dhe e Shkencës ka bërë me dije gjithë kalendarin e pushimeve dhe të fillimit të semestrave mësimore të arsimit parauniversitar. Gjithashtu burime zyrtare panë këtij dikasteri kanë bërë me dije edhe datat e provimeve të lirimit. Në këtë mënyrë jo vetëm mësuesit por edhe nxënësit do të kenë mundësin për të pasur një kalendar të detajuar për vazhdimësinë e vitit shkollor që sot.

Për të gjitha kategoritë e arsimit para-universitar:

-Mësimet fillojnë me datën 10 shtator 2012

-Pushimet e dimrit fillojnë në datën 24 dhjetor 2012 dhe përfundojnë me 6 janar 2013

- Semestri i parë i shkollave të Arsimi Bazë përfundon me datë 23 janar 2013 dhe semestri i dytë fillon me datë 28 janar 2013

- Për të gjithë sistemin e arsimit parauniversitar do të ketë pushim në periudhën 27- 31 mars 2013

Përfundimi i shkollës:

- Arsimi bazë: Mbaron në 7 qershor 2013. Periudha e Provimeve të Lirimit 10 – 23 qershor 2013

- Arsimi i mesëm (pa maturën) 14 qershor 2013

- Matura 24 maj 2013. Periudha e provimeve të maturës shtetërore 24 maj – 30 qershor 2013