Mbidoza, shkaktare për vdekjen e djalit të Silvester Stallone

Sipas informacioneve të para të dala nga ekspertët e policisë, vdekja e 36-vjeçarit Sage Stallone, erdhi si pasojë e konsumit të pilulave në mbidozë. Në dhomën ku ai u gjet i vdekur, u gjetën gjithashtu dhe shumë receta që përfshinin marrjen e një sërë “ilaçeve” të ndryshme, ndërkohë policia po heton në dy pista: Vdekja e 36-vjeçarit ishte një aksident apo vetëvrasje!

Zëdhënësi i Silvester Stallone, citon alb-observer.com, deklaroi se artisti i famshëm, ndodhet në gjendje shumë të rëndë psikologjike dhe mban zi për humbjen e të birit.

“Është një tragjedi”, ishte një djalë i talentuar, ishte një regjisor i suksesshëm dhe ishte një personalitet i respektuar. Akoma nuk disponojmë hollësira për vdekjen e tij, por kemi të bëjmë me një tragjedi. Ishte optimist dhe i mbushur plot jetë. Nuk kishte lënë shenja depresioni”, pohoi ai.

Sipas miqve të Sage Stallone, ai po përgatitej që shumë shpjet të martohej.
Ndërkohë, 36-vjeçri i ndjerë, Sage, ishte bërë i njohur për publikun edhe nga pjesëmarrja e tij në filmat e të atit, Silvester Stallone./alb-observer.com/