Maske scrub-skrab në kushtet e shtëpisë

Maskat scrub, janë shumë të rëndësishme për shëndetin e lëkurës tonë. Përgatitet dhe përdoret 1 herë në javë, duke eliminuar qelizat e vdekura, stimuluar mikroqarkullimin e gjakut, luftuar shenjat e plakjes me kalimin e kohës, dhe duke u përgatitur në shtëpi, i bëjmë nder dhe xhepave tanë.

Për këtë, marrim 1 1/2 lugë çaji me sheqer dhe e përziejmë me shpejtësi me 1 lugë çaji vaj ulliri e 1 me kos të trashë. Me majat e gishtave, e shtrojmë menjëherë pak nga pak në fytyre dhe qafë të pastër, duke evituar zonën e syve.

Masazhojmë me lëvizje rrethore si akrepat e orës, për disa minuta e më pas e shpëlajmë lëkurën me ëmbëlsi. E thajmë pa e fërkuar dhe lyejmë me vaj të mirë ulliri fytyrën, pjesën e syve dhe qafën për 20 minuta.

Më pas eliminojmë gjithçka me ujë të vakët e sapun delikat, me ujë të ftohtë për të shtrënguar poret dhe përfundojmë me përdorimin e kremit. Në këtë rast, lëkura jonë pastrohet, ripërtërihet e ushqehet.

E gjitha me pak qindarka e shumë efikase…

Nga SONILA