Në fund të mandatit, Shqipëria del në shitje

“Tani pasuritë e shqiptarëve po shterojnë. Dhuratat janë më të pakta e më të vogla. Ekonomia publike, e cila virtualisht ishte pa borxhe, kur unë mbërrita 4 vite të shkuara, tashmë është mes vendeve të rajonit që janë të zhytur në borxhe. Arka e shtetit po boshatiset dhe Shqipëria duhet t’i drejtohet vendeve shumë të largëta për të kërkuar kredi dhe grante.”

Ky ishte paralajmërimi ogurzi që bëri përa pak ditësh, ambasadori danez në largim, Karsten Jensen.
Sot e përditshmja Shqip hapet me titullin “Fundi i mandatit, Shqipëria në shitje”. Në fakt gjithmonë në fund të mandatit, çdo qeveri ka nxjerrë në shitje gjithçka ka mundur. E keqja është se kësaj here pasuritë e shqiptarëve që mund të shesë kjo qeveri kanë shteruar dhe ekziston mundësia që pas largimit të Berishës, në këtë vend të mos ketë mbetur gjë pa shqyer.
Deputeti i PS, Erion Braçe denoncoi se Arben Imami po shet plot 1.2 milion metër katrorë tokë, pronë e ushtrisë dhe Ministrisë së Mbrojtjes.
Ndërkohë, zyrtarisht mësohet se brenda pesë muajsh të ardhurat nga privatizimet janë rritur me 650 përqind. Sipas Shqip, po spastrohen pronat publike. Në listën e privatizimit janë 500 objekte. Zyrtarisht pritet të shitet edhe Albpetrol dhe katër hidrocentrale. Plani është që 95 përqind e pronës shtetërore të shitet. Berisha do mbushë arkën, do bëjë kërdinë gjatë fushatës dhe do veprojë si gjithmonë sipas parimit “pas meje, qameti”.
20.07.2012
Burimi: Gazeta Tema

Vetem luften civile ka lene pa bere Sali Berisha!!!