Lajm i fundit: Masakër në premierën e filmi të Batman

Duket se një masakër e vërtetë ka ndodhur gjatë premierës së filmit të ri Batman në Denver, SHBA. Megjithëse raportimet e para janë kontradiktore, dyshohet se paraprakisht janë vrarë rreth 14 perosna dhe janë plagosur 30 të tjerë. Sipas mediave amerikane që raportojnë lajmin një person i armatosur dhe me maskë në fytyrë ka hapur zjarr gjatë premierës së filmit “The Dark Knight Rises”. Sipas dëshmitarëve personi mbante një maskë gazi dhe fillimisht ka hedhur gaz lotsjellës duke u dhënë përshtypjen të pranishmëve se kjo ishte pjesë e spektaklit. Por më pas njerëzit nisën të shembeshin përdhe teksa autori filloi të qëllonte dret tyre.
Bëhet e ditur se policia nisi të transportojë vetë njerëzit në spital, pa pritur ambulancat.Ndërkohë kanë nisur edhe spekullimet e para. Disa thonë se autori mbante maskën e personazhit negativ në film, ndërsa të tjerë thonë se ai nuk kishte arritur të siguronte një biletë për shfaqjen premiere ndaj e kishte bërë masakrën./alb-observer.com/