Në ceremoninë e Lojërave Olimpike, të pranishëm edhe UFO-t (Video)

Në ceremoninë e çeljes së Lojërave Olimpike Londër 2012 kanë qenë të pranishëm edhe UFO-t.

Kamera mundi të filmojë një objekt fluturues në qiellin e ndriçuar nga prozhektorët gjatë ceremonisë së Lojërave Olimpike në Londër.

Video dhe fotografitë e nxjerra prej saj janë bërë objekt diskutimi menjëherë pasi ato u bënë publike.

Madje “Telegraph”, i kushtoi një rëndësi të veçantë kësaj dukurie.

Sapo videoja u bë publike, social mediat kanë “zierë” nga ushtima e komenteve dhe hamendësimet e pafundme. Në video duket qartë një objekt, i cili fluturon ndër fishekzjarrë, por deri më tani askush nuk ka asnjë shpjegim zyrtar për këtë fenomen.

Mbetet të theksojmë se për shumë njerëz kemi të bëjmë me një Objekt Fluturimi të Paidentifikuar (UFO), ndërsa për disa të tjerë një ballon me ajër.