E vodhën veturën, u mbytën me të në det

Ustica, 12 gusht – Dy fëmijë të moshës 13 e 14 vjeçe janë mbytur në det në ishullin italian Ustica në detin Tiren.

Fëmijët të enjten në mbrëmje e kishin vjedhur një veturë Fiat Panda, që ishte parkuar në mol dhe pronari i së cilës i kishte lënë çelësat në veturë. Hipën në të dhe vendosën të shëtisin me të. Por, pas rënies në det ata shumë shpejtë u fundosën, shkruan Corriere della sera.

“Ende nuk dihet se a e kanë ndezur veturën, apo vetëm e kanë liruar frenin dhe automjeti ka rrëshqitur për të përfunduar në det”, tha zëvendës/prefekti i qytetit Giuseppe Caminita.

I tërë ishulli është tronditur nga kjo ngjarje. Komshinjtë thanë se dy fëmijët ishin nga familje të mira, të mirë dhe të urtë.