Hollivudiani Paul Walker me origjinë shqiptare

Paul Walker, një prej aktorëve më të njohur të brezit të ri të kineastëve në Hollivud, njihet se ka origjinë shqiptare.
Pikërisht në një nga faqet më të njohura kinematografike në botë, Internet Movie Data Base – IMDB, në fillim të hyrjes së biografisë së tij të gjatë zyrtare cilësohet në anglisht origjina e tij, madje me gërma kapitale; “Paul Walker është një aktor Amerikan, me prejardhje Shqiptare”.
Edhe pse nuk është një informacion zyrtar, IMDB është një web faqe nga më seriozet, që informacionet e paraqitura i ka të verifikuara. Për 39-vjeçarin Paul William Walker IV thuhet se u bë mjaft i njohur në 1999 pas rolit të tij në filmin Varsity Blues. Ka punuar si fashion model, ka qenë anëtar i Kishës së Shenjtorëve të Ditëve të Mëvonshme, ndryshe Kisha e Mormonëve, ka punuar që në fillimet e tij në televizion, më pas ka shkruar filma-komedi.
Bashkë me motrën, Ashlie, mori pjesë në 1988 në një show-lojë, I’m Telling!. Duke vijuar me film pas filmi. Ai u bë i njohur në filmat The Fast and the Furious, Into the Blue dhe Eight Below, Highway to Heaven, Who’s the Boss?, The Young and the Restless and Touched by an Angel etj. Filmat kanë arkëtuar mbi $1.1 bilionë dollarë. Është shfaqur edhe në National Geographic Channel në një seri programesh etj./globisot/