Aktori i famshëm Al Pacino ka origjinë shqiptare

Aktori i famshëm Al Pacino ka origjinë shqiptare, ky informacion bëhet i ditur nga faqja “online”, wiki.answers, e cila i përgjigjet saktë çdo pyetjeje që i bëhet. Nëse bën pyetjen, ‘Al Pacino a ka origjinë shqiptare?’, përgjigja që merr është: “Alfonso Pacino është shqiptar. Familja e tij është me origjinë nga Kruja, qytet në qendër të Shqipërisë. Qindra e mijëra shqiptarë e lanë Shqipërinë mes viteve 1571 – 1912, për t’i shpëtuar ofensivave të Perandorisë Osmane të asaj kohe. Ishin kryesisht katolikët shqiptarë. Një shifër e përafërt e shqiptarëve që lëshuan Shqipërinë është 1.2 milionë. Mbiemri Pacino në shqip është Pacini. Emri i plotë në shqip i aktorit me famë botërore është Alfons Pacini”.
Qeveria italiane e asaj kohe detyroi shqiptarët e ardhur në Itali që të jetojnë në Jugun e Italisë, në rajonet e Kalabrisë, Puljas, Aleksandrisë, Sicilisë dhe Napolit, në periudhën e viteve 1621 – 1913, duke i përshtatur emrat dhe mbiemrat. Prandaj, emrat e komunitetit shqiptar që jetuan në Jugun e Italisë u ndryshuan në mënyrë që Italia të jetë e bashkuar në një, pa dallime etnike. Shumë familje ndryshuan mbiemrat e tyre duke shtuar “o” në fund ose duke ndryshuar rrënjësisht mbiemrat e tyre, nga shqiptarë në italianë. Të dhënat në Shqipëri tregojnë se më 23 tetor 1801, 203 shqiptarë nga rajoni i Pac i Krujës, lanë Shqipërinë nga porti i Durrësit për të marrë rrugën drejt Jugut të Italisë. /E.L/