Erdhi për të marrë bagëtitë e vjedhura, rrihet dhe mbahet peng çifti grek në Sarandë

Një ngjarje e paprecedent ka ndodhur në fshatin Janjar të Sarandës. Një çift nga Greqia ka hyrë në territorin shqiptar për të kërkuar lopët dhe delet që ia kishin grabitur disa persona nga ky fshat.

Por shtetasit grekë u mbajtën peng nga familjarët e grabitësve.

Ngjarja

Çiftit grek nga fshati Palamba, pranë Igumenicës, iu grabitën 32 lopë dhe 87 kokë bagëti. Kështu, ditën e djeshme ata kaluan kufirin greko-shqiptar dhe iu drejtuan fshatit Janjar të komunës Markat, për të marrë pasurinë e tyre të grabitur nga një grup shqiptarësh.

Ndërkohë, policia e Sarandës kishte arrestuar Rushit Ismailin, si dhe kishte shpallur në kërkim shtetasin Astrit Ismaili, të akuzuar për këtë grabitje.

Pasi mbërriti çifti grek në fshatin shqiptar, familjarët e grabitësve, të nxehur me arrestimin, jo vetëm që nuk ia kthyen bagëtitë mbrapsht, por i rrahën dhe i mbajtën peng shtetasit grekë. /alb-observer.com/