Hapet zarfi 100-vjeçar

Mon 27 Aug 2012 - 13:11

Hapet pas një shekulli një zarf deri më tani i ruajtur në muzeun e Gudbrandsdalit, në Norvegji. Zarfi i përkiste kryetarit të bashkisë të Sel të asaj kohe, John Nygard, dhe mbante datën 26 gusht 1912.
Në të shkruhej: të hapet në vitin 2012. Zarfi me peshë 3,1 kilogramë dhe gjerësi 40 cm, ka mundur t’u mbijetojë dy luftërave Botërore.

Ceremonia e hapjes është zhvilluar paraditen e sotme nga përgjegjësi i muzeut, Kjell Voldheim. E përditshmja “Verdens Gang” ka bërë të ditur se brenda zarfit ndodheshin letra, dokumente dhe copa stofi, të cilat John Nygard ua dërgonte “brezave të ardhshëm”.
Burimi: tch