Qeni me këmbë artificiale

Dhunës së karteleve të drogës në Meksikë nuk u kanë shpëtuar as kafshët. Lemon Pie është qeni i cili para pak muajsh ishte viktimë e kësaj dhune.

Anëtarë të një bande të armatosur që veprojnë në veri të Meksikës i prenë dy gjymtyrët e para kafshës, duke i vështirësuar jetesën, transmeton TCH.

Fatmirësisht, Lemon Pie u gjet nga një grup aktivistësh që mbrojnë të drejtat e kafshëve. Muaj më vonë, ai jo vetëm që u shërua, por tashmë ka edhe dy këmbë të reja të cilat edhe pse artificiale, i mundësojnë atij të vrapojë si më parë.(koha)