"E lumtura Nënë Terezë, lutu për ne mëkatarët"

Me rastin e 15 vjetorit të amëshimit të Nënë Terezës, Instituti i Trashëgimisë Shpirtërore dhe Kulturore, më 5 shtator organizon në Shkup manifestimin "E lumtura Nënë Terezë, lutu për ne mëkatarët".

Sipas njoftimit nga Këshilli për koordinimin e aktiviteteve për festimin e 100 Vjetorit të Flamurit, në manifestim do të prezentohen me kumtesa dhe fjalë përshëndetëse drejtori i ITKSHSHM-së- Shefqet Zekolli, nënkryeministri Musa Xhaferi, Akademiku Luan Starova dhe Zëvendësdrejtori i komisionit për mardhënie mes bashkësive fetare, Anton Sereqi.

Në këtë manifestim do te lexohen edhe poezi të Nënë Terezës si dhe do te prezentohet një video projeksion i shkurtër nga jeta e saj

Manifestimi mbahet në kuadër të aktiviteteve për shënimin e 100 vjetorit të Flamurit, më mbështetjen e SIMO dhe Komunës Çair.