1 vit burg për vrasësin me pagesë të Facebook!

Tmerr ka shkaktuar në Hollandë çështja e një 14-vjeçari, i cili theri një bashkëmoshatare të tij. Por më e tmerrshmja në këtë histori ishte se ai kreu vrasjen kundrejt pagesës. Pra, ekzekutoi “kontratën e vdekjes” si vrasës me pagesë.Sipas Huffinghton Post, 15-vjeçarja ishte zënë me dy miq të saj në Facebook. Për plot 2 javë ata shkëmbenin mes tyre postime të egra. Kështu, 2 shokët, për t’u hakmarrë ndaj saj, i kërkuan 15-vjeçarit që ta vriste për llogari të tyre.

Në Hollandë kjo çështje njihet si “Vrasja e Facebook” dhe ka shkaktuar shqetësim të madh për rolin e mediave sociale në rritjen e dhunës dhe krimit.

Vrasësi me pagesë, me pseudonimin Winsie, u dënua me një vit burg. Sigurisht që vendimi i gjykatës revoltoi familjen e vajzës fatkeqe.

“Nuk jam i kënaqur me këtë vendim, një vit burg për jetën e vajzës sime”, deklaroi babai i viktimës. “Por kështu është ligji dhe para ligjit jemi të pafuqishëm”, tha ai. /alb-observer.com/