Sëmundjet e zemrës lexohen te sytë

Athinë, 31 gusht 2012, NOA- Sëmundja e zemrës mund të lexohet në sytë e njerëzve në pjesën e retinës së syrit dhe më pas me analiza të thelluara përcaktohet saktësisht.

Ky zbulim u bë në Hippocratio Hospital në Athinë ku shkencëtarët grekë prezantuan disa studime duke pretenduar se teza e tyre ishte e saktë në takimin e Shoqërisë Europiane të Kardiologjisë në Monaco di Baviera në Gjermani.

Enët e gjakut mund të shihen direkt në sy dhe kjo sipas studiuesve flet shumë.

“Syri është i vetmi organ në të cilën enët e gjakut mund të vërehen direkt. Ndryshimet në qarkullim të retinës mund të jetë një sinjal për paralajmërim të hershëm të ndryshimeve që ndodhin në sistemin e enëve të gjakut”, u shpreh Vasiliki Katsi, citon noa.al, duke thënë se retina është e prekur nga problemet e zemrës.

Në studimet e paraqitura studiuesit provuan lidhjet e problemeve në retinë me elasticitetin e arterieve, me aftësinë zvogëluar të zemrës, të pompimit të gjakut dhe hipertensionit.

Në përfundim u theksua se, “Kjo tregon se sindroma metabolike është e reflektuar edhe në shëndetin e retinës”.

a.y/noa.al