18 vjeçarja rrëfen torturat nga ish i dashuri i saj

Thu 13 Sep 2012 - 14:10

18 vjeçarja që u rrëmbyje dhe u keqtrajtua nga ish i dashuri i saj Roland Peraja ka rrëfyer në polici torturat dhe orët e tmerrit. Me ndihmën e familjarëve, vajza emri i të cilës ende nuk është bërë publik ka denoncuar ditën e sotme Perajn. Ajo ndër të tjera ka thënë se ai e kishte mbyllur në një dyqan në zonën e “Ali Demit” në Tiranë dhe më pas e kishte zveshur.
“Më uli me forcë në karrige dhe m’i lidhi duart me disa objekte plastike. Filloi të më godiste me grushte deri sa filloj të më dilte gjak dhe nëse bërtisja, ai m’i shtrëngonte aq shumë duart pas karriges, sa m’u bënë plagë. Më pas më hoqi bluzën dhe kur unë nxirrja ndonjë zë nga dhimbja, ai më fikte cigaren në trup”- u shpreh vajza në komisariat.

Ndërsa uniformat blu kanë deklaruar se e reja ishte kërcënuar vazhdimisht nga ish i dashuri dhe kjo ka bërë që ajo të mos e denonconte në kohë dhe gjithashtu ka pësuar traumë nga keqtrajtimi./alb-observer.com/