Gjermania më vonë do t’i kërkojë Serbisë ta njohë Kosovën

Kërkesa e grupit parlament të Unionit demokrat të krishterë të kancelares gjermane Angela Merkel dhe të Unionit socialist të krishterë (CDU/CSU) që Serbia para fillimit të bisedimeve për anëtarësim ne BE me Kosovën të nënshkruajë deklaratën obligative, përkatësisht marrëveshjen për marrëdhënie të mira ndër fqinjësore, formalisht nuk është njohje zyrtare e pavarësisë së Kosovës dhe në Berlin kjo njohje nuk do të kërkohet edhe një kohë nga Beogradi.

Kështu citon “Danas” të kenë thënë bashkëbisedues nga kreu i koalicionit qeverisës duke sqaruar, siç thotë kjo gazetë e Beogradit, mesazhet që delegacioni i CDU/CSU të enjten ua përcolli politikanëve dhe opinionit në Serbi, transmeton Telegrafi.

Serbia nuk detyrohet ta njohë Kosovën si shtet i pavarur, por duhet ta pranojë situatën që Qeveria e Prishtinës të administrojë me territorin e Kosovës, ndërsa autoritetet serbe nuk detyrohen ta ndryshojnë kushtetutën dhe as dy qeveritë nuk detyrohen të këmbejnë ambasadorë.

“Pra kjo gjendje mund të zgjasë gjatë e të gjithë e kanë të qartë se Serbia do të bëhet anëtare e plotfuqishme e BE shumë para Kosovës”, transmeton Danas të kenë thënë bashkëbisedues të gazetës nga Berlini.

Ata e përmendin shembullin dy Gjermanive, por thonë hapur se bashkim të sërishëm ndërmjet Serbisë e Kosovës ashtu si kishte ndodhur me Republikën Federale dhe me atë Demokratike të Gjermanisë nuk do të ketë.

Edhe pse Gjermania përkrah integrimin e Serbisë në BE, Danas” shkruan se bashkëbisedues të CDU/CSU thonë se Serbia nuk do të marrë datën e fillimi të negociatave para dhjetorit të vitit 2013.

Gjermania nuk dëshiron të përzihet në atë do të merren vesh Beogradi e Prishtina dhe as në marrëveshjen eventuale të tyre për veriun.

“Konsiderojmë se fillimisht duhet implimentuar plani i Marti Ahtisaarit e pastaj të hapën bisedat për veriun e të gjendet një zgjidhje kreative“, kanë thënë bashkëbisedues të kësaj gazete.(express)