Tmerr në Korçë! Një nënë e plagosur rëndë gjendet në plehra

Sun 16 Sep 2012 - 12:58

Janë tmerruar banorët e Korçës mëngjesin e sotëm, kur kanë mësuar se në një kosh plehrash është gjendur një grua e plagosur rëndë.
Bëhet fjalë për shtetasen Eriselda Elmazi, nënë e dy fëmijëve. 25-vjeçarja që i përket komunitetit rom, është hedhur në një kosh plehrash në lagjen nr. 8 të Korçës. Kanë qenë pikërisht punonjësit e pastrimit ata që njoftuan policinë. 25-vjeçarja u gjend prej tyre pa ndjenja. Tashmë ajo ndodhet në spital, në gjendje rreziku për jetën. Pas ekzaminimit të mjekëve, mësohet se është goditur me sende të mprehta dhe të forta në kokë.

I dyshuari kryesor për këtë krim barbarë është ish-bashkëshorti i saj, Romeo Babani, i cili është shpallur në kërkim. Sipas policisë, ai pasi e ka goditur 25-vjeçaren, ka menduar se e ka vrarë dhe e ka braktisur në koshin e plehrave. /alb-observer.com/