Krimi në familje në Tiranë, vdes 49-vjeçarja, dy të plagosur rëndë

TIRANE – Lajmifundit – Humb jetën në spitalin ushtarak në Tiranë shtetasja Anife Elmazi, 49 vjeçe, e qëlluar mbrëmë me armë zjarri nga 33-vjeçari Ylli Sherifi pranë shkollës “Bajram Curri” në kryeqytet. Autori i krimit qëlloi me armë tre personat për shkak se vajza e tij ishte martuar me djalin e Fatmir Elmazit.
Burime nga policia e Tiranës thanë se mbrëmë u krye kapja e menjëhershme dhe më pas arrrestimi i shtetasit Ylli Kujtim Sherifi, 33 vjec, banues në Allias Tiranë. Ky shtetas mbrëmë, rreth orës 22.45, në Allias pranë shkollës “Bajram Curri” Tiranë, dyshohet se ka qëlluar me armë zjarri automatik shtetasit:
Anife Kadri Elmazi, 49 vjec, e cila pas plagëve të marra ka vdekur në Spitalin “Nënë Tereza”, shtetasin Fatmir Hikimet Elmazi, 44 vjeç, i cili ndodhet në gjëndje të rëndë për jetën në spital, dhe shtetasin Ervin Skënder Ademi, 26 vjec,i cili ndohet jashtë rrezikut për jetën.
Burimet zyrtare thanë se për hetimin e kësaj ngjarje, u ngrit menjëherë një grup i posaçëm hetimor, të cilët u morën me proçedurat e shoqërimit të dëshmitarëve në vendngjarje, marrjes në pyetje dhe veprimeve të tjera hetimore.
Dyshohet se ngjarja ka ndodhur për shkak, të një martese të pa aprovuar midis autorit dhe vajzës së shtetasve Anife dhe Fatmir Elmazi, e Ervin Ademi. Autori, u kap në flagrancë së bashku me armën e krimit ndërkohë që ndaj u mor masa e arrestit në flagrancë për konsumim të veprës penaletë vrasjes me dashje. Në cilësinë e provës materiale u sekuestrua arma e krimit automatik model.56. Neni 79/dh dhe 278/2 i KP.

Kjo është edukata shqiptare?!