Kamzë: Kush ja qan hallin këtij burri? I humbën dy gratë!

Duke mos pasur mënyrë tjetër për të vepruar, një 38-vjeçar i është drejtuar Policisë së Tiranës ku ka denoncuar zhdukjen e dy grave. Jo, nuk bëhet fjalë për të njohura apo të afërm, por për 2 gratë e tij.
Edhe pse zyrtarisht është beqar, raporton gazeta “Panorama”, 38-vjeçari ka rreth dy vjet që bashkëjetonte me dy gra. Bëhet fjalë për shtetasin A. Spahiu i cili kishte probleme me gruan e parë pasi ajo nuk bënte dot fëmijë. Kështu, pas marrëveshjes me të, çifti pranoi që me ta të vinte për të jetuar edhe një grua tjetër.

Por sipas bluve të Tiranës, dy gratë e tij janë larguar nga shtëpia dy ditë më parë. 38-vjeçari i pikëlluar i kërkon, ndërsa ato nuk kanë lënë asnjë shënim para se të largoheshin.

Spahiu, banor në Bathore të Tiranës vitet e fundit mendoi se rruga më e mirë për të mësuar ndonjë të re prej tyre, ishte që t’i drejtohej policisë.