Kërkoi ndihmën e mjekëve, që t’i nxirrnin nga barku një… ngjalë!

Ndihmë urgjente mjekësore kërkoi një burrë nga Auckland e Zelandës së Re, të cilit mjekët i nxorën një ngjalë nga zorra e trashë.
Sipas gazetës “New Zeland Herald”, pacienti, pasi u shpjegoi mjekëve problemin e tij, nxori disa radiografi. Aty u duk se burri thoshte të vërtetën.

“Ngjala kishte përafërsisht madhësinë e një stilolapsi dhe tashmë kjo është tema më e diskutuar në spital”, tha një burim anonim spitalor. “Mjekët dhe personeli kanë parë shumë raste të veçanta, por ngjalë nuk kishin parë ndonjëherë”.

Nuk dihet ende sesi përfundoi ngjala në zorrën e trashë të burrit, por mjekët ia dolën mbanë dhe ai u largua nga spitali pak orë më vonë.

Zëdhënësi i spitalit, Matt Rogers, tha se lajmi është i vërtetë, por ai nuk do japë më shumë detaje rreth këtij rasti të veçantë. /alb-observer.com/