Substanca “mrekulli”, vetëm 60 sekonda për të mbushur dhëmbët

Tashmë nuk do jetë e nevojshme të mbushim dhëmbët me metodën tradicionale, ashtu siç dhe ishim mësuar deri më sot! Një ekip shkencëtarësh nga Universitet e Yale dhe Santiago në Amerikë… krijuan një substancë kimike të re e cila premton të “vrasë” bakteret që dëmtojnë dhe shkaktojnë zgavra në dhëmbët tona. Dhe e gjitha kjo, vetëm për 60 sekonda!
Substanca “mrekulli” quhet Keep 32 -emër i dalë nga numri i dhëmbëve që ne kemi dhe duke përdorur këtë substancë nuk kemi për t’i humbur kurrë!- dhe shkatërron mikrobin streptococcus mutans, i cili shkakton prishjen e dhëmbëve, ndërsa për orë të tëra ndalon krijimin e baktereve të tjera. Kjo substancë mund të vendoset në pastën e dhëmbëve, në disifiktues goje, në çamçakëz deri dhe në disa çokollata!
Pas mbylljes të një cikli studimesh dhe testimesh 7-vjeçare, specialistët tashmë do e praktikojnë atë në klinika dentare për njeriun. Sipas hulumtuesve, provat do të zgjasin nga 14 deri në 18 muaj dhe në vijim është e mundur ta shikojmë këtë produkt të “shenjtë” me gjithë asortimente e tjera të tregut, që nga pasta e dhëmbëve Colgate deri dhe tek çokollata Hershey.
I vetmi shqetësim është se ky “ilaç” i ri është një lloj antibiotiku, pasi arrin të vrasë bakteret. Kështu, problemi që lind me antibiotikët është se nuk janë 100% rezultativë (sigurisht që asnjë lloj ilaçi nuk është 100% rezulatativë) bakteret krijojnë imunitet, si rezultat ndikimi i ilaçit me kalimin e kohës, sa vjen e do të dobësohet, deri në momentin kur bakteret do të kenë fituar imunitet të plotë ndaj këtij antibiotiku dhe kështu ai do të ndali së qeni./alb-observer.com/