Moto GP, Pedrosa: Nuk mendoj për pikët

Dani Pedrosa theksoi se e ka harruar tashmë rrëzimin në Misano dhe po pret me padurim garën e radhës në kampionatin botëror të Moto GP, Cmimin e Madh të Aragon.

“Ajo që ndodhi është harruar tashmë. Jemi në Aragon dhe shpresoj që koha të jetë e mirë sepse këto ditë kemi parë mot të paqëndrueshëm dhe një gjë e tillë nuk është mirë as për pilotët e as për tifozët”, deklaroi piloti spanjoll i Hondës, i cili renditet 38 pikë pas Lorenzos kryesues.

“Duhet të jemi të përqendruar në prova dhe në gara sepse kampionati nuk ka përfunduar. Nuk mendoj për pikët e disavantazhit, por dua vetëm të kënaqem në motor dhe të fitoj sa më shumë gara”, shtoi Pedrosa.