Moto GP, Pedrosa fiton garën e fundit

Dani Pedrosa e mbylli kampionatin botëror të Moto GP me një fitore në Cmimin e Madh të Valencias. Rrëzimi i Jorge Lorenzo, i cili e kishte fituar kampionatin tashmë, i la rrugë të lirë spanjollit të Honda për të prerë i pari vijën e finishit.

Katsuyuki Nakasuga (surpriza e garës) dhe Casey Stoner (australiani që mbylli karrierën në moshën 27-vjeçare) plotësuan podiumin e garës së zhvilluar në Spanjë.

Ishte një garë e çmendur pasi motorët u nisën me një pistë gjysmë të thatë e gjysmë të lagur. Ata që kishin zgjedhur në nisje goma për shi ishin të avantazhuar, por vetëm pas disa xhirosh u detyruan të ndërronin motorr.

Pedrosa, Bautista, Hayden dhe Crutchlow nga ana tjetër zgjodhën të ndërronin motorrin dhe gomat menjëherë pas xhiros së nxemjes dhe rrjedhimisht u nisën të fundit, nga vija e bokseve.

Pedrosa nisi të rekuperonte pozicione shumë shpejt dhe pas daljes nga pista të Lorenzo, nuk e pati të vështirë të fitonte garën e fundit të Moto GP.