Ethet e Juventus-Roma

Juventus-Roma (sonte në orën 20:45) është ndeshja me e rëndësishme e javës së gjashtë të Serisë A. Dy skuadrat shquhen për rivalitetin e hershëm, shpesh të ashpër mes tyre e si për t’i hedhur benzinë zjarrit në krye të verdhekuqëve është Zdenek Zeman, “armiku” më popullor i bardhezinjve.

Në vigjilje të takimit, Zeman doli para gazetarëve duke pranuar superioritetin e Juventusit në kampionatin italian në këtë fillim-sezoni.

“Juventusi është skuadra më e mirë aktualisht në Serinë A, por ne do të përpiqemi t’i vendosim në vështirësi. Sezonin e kaluar bënë një punë të shkëlqyer. Besuan, luftuan dhe në fund fituan. Në jemi një vit pas. Duhet të besojmë dhe të fitojmë. Ndeshja ngjall interesin e spektatorëve dhe ne duhet të besojmë tek 3-pikëshi”, tha Zeman.

Më tej, tekniku bohem komentoi edhe vendimin e ndihmës trajnerit të Juventusit, Carrera për të mos dalë para gazetarëve. Ky është vendimi i tij. Është cështje stili, tha ai.