Interi mund të "pathyeshmit" bardhezinj

Pas 50 ndeshjesh në Serie A pa humbje Juventus është mposhtur me rezultat 3-1 para tifozëve të tij në Torino.

Ndeshja nisi në mënyrën më të mirë për ekipin e Contes, kur Aruro Vidalit i mjaftuan vetëm 19 sekondat e para të takimit për të shënuar golin e parë, pas një pasimi të Kwadwo Asamoah, i cili në momentin që mori topin ishte në pozicion të dyshimte.

Edhe pas golit të parë Juventus ishte dominues në fushën e lojës duke rrezikuar me anë të Marchisios pas një pasimit të mrekullueshëm nga Andrea Pirlo.

Inter reagon shpejt duke shënuar një gol me anë të Rodrigo Palacios, por i zënë në pozicion jashtë loje më parë nga anësori

Zikaltërit e nisën mirë pjesën e dytë duke treguar që në momentet e parë që dëshironin të barazonin rezultatin. Një gjuajtje e lirë e ekzekutuar nga Antonio Cassano krijoi panik në zonën e vendasve dhe Claudio Marchisio ndërhyri gabimisht në Diego Militon. Arbitri akordoi penalti. Argjentinasi ishte i saktë për t’i barazuar shifrat në 1-1.

Ndërkohë që Juventusit i mungonte ajo arroganca e pjesës së parë, zikaltrit e shfrytëzuan momentin për ta shënuar golin e dytë. Buffon në fillim priti një goditje nga Guarin, por më pas ishte Diego Milito që nuk i la kohë portierit të kombëtares italiane për të reaguar.

Në minutat e mbetura vendasit luajtën më mirë duke krijuar raste të shumta në përpjekje për ta shënuar golin e barazimit, por pa sukses.

Në minutën e 59 të takimit të besuarit e Stramaccioni arritën të shënojnë përsëri me anë të Palacios.

Interi me këtë fitore, e cila ishte e 7-ta radhazi, shkon në kuotën e 27 pikëve vetëm një më pak se kryesuesit bardhezinjë e tanimë i shkëputur me 5 pikë nga Napoli i cili ka një ndeshje për të luajtur.

/a.k

Tingëllon e pabesueshme, por Juventusi është mundur në Torino dhe këtë disfatë të parë sezonale dhe pas 49 ndeshjesh pa humbje, ia shkakton Interi i Stramaccionit.

Shënojnë shumë shpejt, për 18 sekonda bardhezinjtë. Një pozicion jashtë loje i Asamoas nuk shihet nga anësori dhe Vidal, i dalë i vetëm përballë portës, nuk shpërdoroi.

Menjëherë polemikat, por loja vazhdon me një Juventus që tregohet zot shtëpie në 45 minutat e para.

Nuk dorëzohet Interi dhe në pjesën e dytë përmbys gjithçka. Në fillim Milito barazpeshon me një penallti. Juventusi është i paqartë dhe duke i lodhur ndërkohë që kanë ende rezerva zikaltrit Guarin i futur për të zëvendësuar Cassanon shndërrohet në protagonistin e golit të dytë që sërish finalizohet nga argjentinasi Milito.

Për të tretin mendon Palasio, i cili detyron tifozerinë juventine të largohet menjëherë nga stadiumi duke mundur këtë skuadër të shndërruar në simbolin e pathyeshmërisë.

Tashmë Interi konfirmon se është në rrugën e duhur dhe me vetëm 1 pikë diferencë me vendin e parë që e mban ende Juventusi.

Edhe Milani ka befasuar të gjithë në këtë javë të kampionatit italian ku ka fituar 5-1 përballë Chievos në “San Siro”, një fitore që i ngjit kuqezinjtë në kuotën e 14 pikëve.

Emmanuelson zhbllokon shifrat ndërkohë që Pallisier barazon shumë shpejt. Megjithatë, brenda pjesës së parë shënojnë sërish lojtarët e Milanit me Montolivon dhe Bojan duke siguruar fitoren në këto 45 minuta.

Në të dytën, realizojnë edhe dy golashënuesit më të mirë të kuqezinjve në këtë kampionat, El Sharaawy dhe më pas Pazzini që vulos shifrat në 5-1, duke i dhënë më shumë moral skuadrës së Allegrit.

"Juventus bie në betejën e 50-të"
me
"Interi mund të "pathyeshmit" bardhezinj "

temat u bashkun