Trendet e manykyreve të atleteve në lojrat olimpike

Të gjithë e kanë vënë re rritjen marramendëse të popullaritetit të artit të thonjve gjatë viteve të fundit. Të kesh thonj të bërë me akrilik , të dekoruar bukur dhe plot ngjyra është një nga “aksesorët” që kompleton veshjen e femrave. Kjo mënyrë e rregullimit të thonjve shihet edhe si një nga format e vecanta të artit. Katy Perry dhe Rihanna ishin yjet e famshëm të skenës mbarbotërore të cilat përqafuan të parat këtë trend, derisa u kthye në një fenomen, madje përfshiu edhe Lojërat Olimpike të kësaj vere në Londër.
Nga Anglia e deri në Australi, një numër i madh sportistësh kanë zgjedhur këtë mënyrë për të shprehur krenarinë e tyre kombëtare. Kjo shihet si avantazhi i sportisteve femra mbi kolegët e tyre meshkuj : ndjenja e stilit dhe feminitetit nëpërmjet thonjve të dekoruar. Ndërsa sportistët meshkuj janë të kufizuar në përgjithësi vetëm nga uniforma e tyre. Duket diçka shumë bashkëkohore dhe e menduar mjaft bukur.

Orgesa Gj./shqipmedia