Durrës, 400 fëmijë nga vendi dhe rajoni në edicionin e 15-të të fest-lojës

DURRËS- Mbi 400 fëmijë nga vende të ndryshme të botës do të nisin sot në Durrës festivalin “Fest loja – Play and dance”.

Gladiola
Busulla, drejtore e Qendrës kulturore të fëmijëve, tha se ky është
edicioni i 15-të i kësaj feste të madhe, e cila ka nisur të organizohet
në qytetin bregdetar që nga viti 1998. Sipas të njejtit burim, "Fest
Loja" ka luajtur një rol shumë të rëndësishëm në evidentimin e valleve,
këngëve, lojrave dhe kostumografisë popullore, duke shpalosur kështu
nivelin etnokulturor të çdo treve. Tipari themelor i kësaj veprimtarie
mbetet slogani i fëmijëve "Miqësia e të sotmes, paqja e të nesërmes".

Që
nga edicioni i parë në këtë Festival kanë marrë pjesë fëmijë të vendeve
të rajonit dhe më gjerë si Kosova, Maqedonia, Mali i Zi, Bullgaria,
Rumania, Turqia, Ukraina dhe Italia.
Mbrëmjen e kaluar në Durrës
kanë mbërritur fëmijë nga Saranda, Kukësi, Ulqini, Prizreni, Prishtina,
Sarajeva, Maqedonia, Turqia, Bullgaria, Venezuela, etj.

Nxënësit
e moshave 6-15 vjeç si çdo vit janë mikpritur në familjet e fëmijëve
durrsakë, ndërsa sot do të fillojnë konkurimin 3-ditor në skenën para
pallatit të kulturës “Aleksandër Moisiu".

(d.b/BalkanWeb)