Kujdes perimet, bioterrorizëm në Kukës

Prej disa javësh në qyetin e Kukësit në tregun e fruta-perimeve po tregtohen perime sezonale që jo vetëm nuk janë cilësore, por që dyshohet të kenë përmbajtje të lartë të lëndëve kimike.Alarmin e ngrenë ekspertët e fushës të cilët flasin për shkelje të rregullave të tregut, duke ofruar perime me ndryshime gjenetike që rrezikojnë seriozisht jetën e konsumatorëve.Këto deformime janë vërejtur kryesisht tek domatja, speci dhe trangulli dhe sipas vlerësimeve paraprake ky fenomen i cili njihet si bioterrorizëm, vjen nga përdorimi i tepruar dhe me orientim të gabuar të pesticideve dhe lëndëve të ndryshme kimike. Por nuk përjashtohet mundësia që në deformimin e perimeve të kenë ndikuar dhe tymrat e krijuara nga zjarret në masivet si dhe rrezatimi radioaktiv i mineraleve.
Specialistët theksojnë se stimulimi i pjekjes para kohe i perimeve dhe ndërhyrja në gjenetikën e tyre ka shkaktuar jo pak probleme për shëndetin e shumë personave. Ndaj atat i bëjnë apel shtetit që të bëjë kotrolle më të forta dhe njëkohësisht konsumatorët të kenë më shumë kujdes ndërsa konsumojnë perime të tilla./alb-observer.com/