Burri kthehet në grua ... në moshën 80-vjeçare

Të vendosësh për të ndryshuar seksin, në një moshë kur edhe një ditë mendon se vlen shumë.

Një akt tipik për ata që duket se nuk heqin dorë nga ëndrrat e tyre. Qofshin këto edhe ekstreme, si
ajo e një burri me emrin James Rose, i cili pikërisht në moshën 80-vjeçare ka vendosur ... të kthehet në grua.

Dikush mund të thotë se tani e gjeti ky njeri të kthehet në grua, kur po i afrohet vdekja? Por duket se anglezit nuk i intereson fare kjo pjesë. Përveç faktit se dëshiron ta jetojë edhe atë jetë që i ka mbetur, duke u ndjerë si një femër e vërtetë. Ashtu në fakt, siç ka dashur gjithmonë, por nuk ka mundur ta realizojë.

Për më tepër, ky njeri kishte vite që vishej si grua, por mesa duket se tani dëshironte që ta kompletonte krejtësisht dëshirën e tij seksuale.

Tashmë, pas ndërhyrjes që ka kryer për ndërrimin e seksit, 80-vjeçari ka ndërruar madje edhe emrin e tij, duke mbajtur një emër gruaje: Ruth.

Vendime këto, të cilat i kanë kundërvënë fëmijët e tij, për të cilët ai as e ka vrarë fort mendjen.

“Më në fund, ndihem i plotësuar”, mësohet të jetë shprehur 80-vjeçari.