Maçoku me 26 gishta shndërrohet në hero

Ndonjëherë, një fatkeqësi mund të shndërrohet në fat gjatë jetës. Kjo është pak a shumë historia e maçokut Daniel, i cili ka lindur me nje deformim gjenetik dhe ka 26 gishta në vend të 18.Ky detaj i ka ndaluar maçokut të gjejë një familje adoptuese dhe kështu është shpëtuar nga Qendra për mbrojtjen e kafshëve në Milwakee. Mirëpo, jeta e tij e re rrezikonte të përfundonte, sepse qendra, për shkak të vështirësive të forta ekonomike, ishte shumë afër mbylljes. Ja që në këtë situatë, Daniel, në mënyrë të pavullnetshme, shpëtoi fatet e shtëpisë së tij të re. Defekti i tij gjenetik ka ngjallur dhembshuri dhe si pasojë e kësaj, ai u shndërrua në “maskotën” e qendrës. Situata e tij bëri të lëviznin shumë amerikanë, që hapën një donacion parash për të shpëtuar qendrën, që veç Danielit mbante edhe shumë kafshë të tjera. Si përfundim, mbledhja e fondeve pati një fund të lumtur. Kështu, Daniel falë deformimit të tij arriti të shpëtojë jo vetëm jetën e tij, por edhe atë të kafshëve të tjera të qendrës.