Indiani që theu rekordin e tij, sërish baba në moshën 96-vjeçare

Ramajit Raghav, një fshatar indian nga Haryana, ka arritur të thyejë rekordin që ai vetë kishte vendosur 2 vjet të shkuara, duke u ribërë babai më i vjetër në botë në moshën 96-vjeçare. Burri, që jeton në fshatin Kharlhoda, kishte tërhequr vëmendjen e mediave botore në vitin 2010, kur kishte njoftuar se ishte babai i fëmijë së tij të parë ( në atë kohë ishte 94 vjeç).
Lajmi kishte arritur të thyente rekordin e vënë nga një tjetër indian, i cili në vitin 2007, në moshën 90-vjeçare ishte bërë baba për herë të 21-t.
Bashkëshortja e 96-vjeçarit është 52 vjeçe dhe e lindi djalin e dytë që është plotësisht i shëndetshëm, më 5 tetor. Pas fëmijës së dytë, babai i rekordeve ka vendosur të ndalojë këtu dhe të mos ketë më fëmijë, ndërsa formën e tij të mirë fizike ia atribuon regjimit të rregullt të përditshëm dhe ushqimit natyral, duke qenë se është vegjetarian dhe ushqehet vetëm me bulmet dhe perime të freskëta.