Shpella ne greqi ku banonte cifti

Mediat greke kanë botuar një lajm që po shokon mbarë opinionin në Greqi. Duket e pabesueshme, por historia e është e vërtetë dhe po ndodh aktualisht në Iraklio të Kretës, në Greqi. Një çift emigrantësh bullgarë, banojnë në një shpellë, buzë rrugës në bregdetin e Iraklios, ku kanë ndërtuar një “shtëpi” të vogël.

Ata janë duke u përpjekur në këtë mënyrë për t’i mbijetuar krizës së vështirë. Çifti erdhi në Iraklio nga Bullgaria, duke lënë shtëpinë e tyre, për të bërë para në ishull, gjatë sezonit turistik. Burrë e grua vendosën të jetojnë në shpellë, pasi situata nuk iu lejonte të merrnin shtëpi me qira.

Të vetmet gjëra që kishin në shpellë, ishin një krevat i thyer ku flinin dhe një tigan, që e përdornin për të gatuar ndërsa në vend të dyerve përdornin kartonë.

Ata punojnë vetëm pak ditë në muaj në bujqësi, me një pagë shumë e ulët. Historia e dy emigrantëve 58 dhe 45 vjeç, preku zemrat e shumë personave që e mësuan. Kalimtarët nuk iu kanë besuar syve, kur u përballën me këtë imazh dhe kanë kërkuar ndërhyrjen e shërbimeve sociale të shtetit.