Durrës, burri tenton të djegë me benzin ish-gruan

Dhuna në familje duket se nuk ka fund kohët e fundit në familjet shqiptare. Një tjetër akt dhune është shënuarditën e sotme në Durrës ku burri ka tentuar të djegë ish-gruan. Burime nga policia e qytetit bregdetar të Durrësit bëjnë me dije se kanë arrestuar shtetasin Sokol Halili, pasi ka tentuar të djegë ish-gruan e tij. Ngjarja e rëndë ka ndodhur mesditën e sotme, ndërkohë mësohet se agresori, pasi ka ushtruar dhunë ndaj ish-gruas me iniciale A.Z 32-vjeçe e ka lyer me benzinë në tentativë për të flijuar. Ka qënë ndërhyrja e shpejtë e efektivëve të policisë, e cila ka bërë të mundur që akti ekstrem të mos ndërmerret, duke parandaluar krimin. Ndërkohë policia është duke punuar për zbardhjen e plotë të kësaj ngjarjeje. /alb-observer.com/