“Xhamadani vija vija” nga Bujar Qamili me aromë prej Prishtine

Kënga mjaft e pëlqyer për shqiptarët, “Xhamadani vija vija” këtë herë do të vijë për publikun me zërin e këngëtarit të mirënjohur Bujar Qamili.
Këngëtari është shprehur se po e realizon këtë këngë në kuadër të 100 vjetorit të Pavarësisë dhe ka menduar që videoklipin ta xhirojë në Prishtinë.

Këngëtari u shpreh se kjo do të jetë një nga këngët më të veçanta të tij dhe ka menduar që në videoklip të duket e gjithë Prishtina, duke zgjedhur pikat më të larta të kryeqytetit të Kosovës.
Gjithashtu, bëjmë me dije se këngëtari shkodran do të mbajë edhe një koncert recital në Pallatin e Kongreseve ku do të këndojë këngë të ndryshme nga repertori i tij. /alb-observer.com/