Ka lindur njeriu i parë që do të jetojë 150 vjet!

Një deklaratë e një shkencëtari nga Britania e Madhe po trazon ujërat… e shkencës bashkohore.
Nëse parashikimet e Aubrey de Grey dalin të vërteta, atëherë njeriu i parë që do të jetojë deri në 150 vjet, është gjallë. Jo vetëm kaq, por njeriu që do të jetojë një mijëvjeçar, do të jetë 20 vjeç më i ri nga ai!

E kemi të qartë se deri tani nuk keni kuptuar asgjë, sikundër edhe ne, por doktor de Grey përpiqet të na sqarojë se gjatë studimeve që po kryen kundra plakjes, po arrihet formula për ta shmangur atë. Nëse do të kryhet terapia kundër plakjes, do të zhduken edhe sëmundje të tjera që vijnë prej saj.
“Mund të them që kemi mundësi 50-50 për terapinë kundër plakjes”, tha ai gjatë një interviste.
De Grey imagjinon se do të vijë një kohë kur njerëzit do të shkojnë tek mjeku për t’i shëruar nga sëmundjet e ndryshme që shkakton mosha, me qëllim që ata të jenë në formë të mirë dhe të jetojnë gjatë. Dhe këtë kohë e parashikon në 25 vitet e ardhshme. /alb-observer.com/