Rummenige: Sheikët po shkatërrojnë futbollin

Presidenti i Bajernit, Karl-Heinz Rummenigge, kritikoi ashpër multimilionerët që blejnë klube dhe realizojnë shpenzime të pakontrolluara në përfocime lojtarësh.

Ish-futbollisti legjendar i kombëtares gjermane, edhe në të shkuarën është shprehur disa herë mbi domosdoshmërinë e kontrollimit të shpenzimeve dhe ka argumentuar se moda e sheikëve rrezikon të shkatërrojë futbollin.

“Sporti duhet të ruajë autintecitetin e tij dhe ndonëse mund të ndihmohet nga investitorët, ai nuk mund të shndërrohet në një lojë në dorë të tyre”, deklaroi Rummenige për “Bild”.

“Gjatë merkatos verore, me realizuam një shpenzim të rëndësishëm duke blerë Javi Martinez, por më parë i kishim fituar këto para. Në çdo rast, paga e tij nuk është e krahasueshme me atë që fitojnë futbollistët e Paris SG apo Manchester City. Futbolli nuk mund të shndërrohet në një lojë të atyre që nuk dinë se çfarë të bëjnë me paratë”, shtoi presidenti i bavarezëve.